考驗的時候

一直都知自己係地獄黑仔王，抽獎從來沒我份，股票都係輸多贏少，之前買既都因為唔夠信心放左，結果一隻升六成，一隻升一倍，最後換馬留o係手既仲跌緊兩成。

心理壓力係大既，不過我仲睇好成個行業，依家可以做既唔係忍耐，而係忘記。因為我發覺以忍耐既心態去面對會令自己覺得係面對緊逆境，係會令自己唔開心既，兼且會不斷懷疑自己，對上兩次換馬就係由於呢個原因。

要學會忘記等一段時間才再看，但呢樣嘢知易行難，要做到需要的係一種轉移注意力既野。究竟有咩可以代替呢？