雞

上個月政府殺雞﹐因為D內地雞黎到後先驗到有H7N9﹐咁由於D雞o係長沙灣活禽批發市場同d本地雞擺埋一齊﹐政府要殺埋d本地雞再停售活雞二十一日﹐每隻補三十蚊再加額外補貼。

咁岩岩開始本地雞賣得番﹐但內地雞就要再停多四個月﹐所以內地雞批發商就發難﹐用雞籠阻車入批發市場。 政府再停內地雞四個月係因為未搵到分流既地方﹐宜家唔想再比本地同內地雞擺埋一齊。

我就覺得政府個處理手法Ok﹐因為唔通又想殺多次雞咩? 而且有補償﹐每個批發商都逐隻賠再加停售一個月既幾萬元補償金。 

D內地雞販我就唔知佢地點諗﹐淨係識顧自己﹐依家對付既係禽流感呀﹐嚴密格離係好應該。D雞販就要求十日內恢復供港﹐真係無理取鬧﹐都未有地方分流﹐上水有地不過又要平整又要處理污水邊有咁快? 而且最離譜係用雞籠阻車入批發市場﹐我明你有訴求﹐但係可唔可以提出個合理D既要求同埋搵個岩既地方? 人地本地雞唔使做生意? 真係好似黃子華魚蛋論咁: 我唔要你比多一粒我﹐我要你O係佢度攞走一粒! 政府批住一個月津貼﹐黎緊會因應情況再批﹐點解要由受害者搞到變潑婦罵街咁肉酸呢?

要投訴就到政總﹐阻人搵食有乜謂? 己所不欲﹐勿施於人呀!

呢單野令我聯想到尖沙咀罵大陸人事件﹐又係不知所謂。 要鬧就去上水鬧水貨客啦﹐無啦啦走去鬧班遊客﹐仲阻住人做生意。我知有D內地遊客周街屙屎﹐咁你見到果種遊客咪當面鬧鑊金囉! 鬧班唔關事既﹐痴線! 要發泄去政總請願啦! 好似加拿大咁﹐你儲夠錢去到發覺人地唔歡迎你﹐鬧你蝗蟲不事生產你會覺得點呀? 我又冇周街屙屎﹐拎錢黎你度你都鬧? 己所不欲呀!

去請願﹐等政府學加拿大收緊入境先係正確做法! 我都唔鐘意香港愈黎愈迫﹐但隨街發泄\排泄係唔岩架嘛!

講番雞單野﹐今次出事係運左落黎先出事﹐好明顯係把關有問題! 未出結果就放行咁驗黎做乜? 搞到一鑊泡! 要避免類次事件其實最好就係文錦渡hold住D雞﹐等出結果先放行。不過政府話果邊冇位。除非唔食﹐否則真係要搵地分流。 內地雞販係要等下﹐鬼叫個政府見住D雞未驗好就入批發市場咁大個灟洞都唔一早處理咩! 依家做係遲D﹐不過都要做架﹐我諗冇人想案件重演。

點解要教你點樣搵錢?

點解要教你點樣搵錢? 

呢個問題唔知各位有冇諗過? 今日睇blog 既時候見到有人提起一本書﹐叫"Why we want you to be rich"﹐由Robert T. Kiyosaki(羅伯特清崎﹐即富爸爸窮爸爸作者)﹐同Donald J. Trump(冇理由唔識呱)合寫。一見到個書名即時決定寫篇blog去記低自己既睇法。

作為第一篇入正題的文章﹐時間上都剛好配合﹐而且適合作為第一篇﹐梳理思緒﹐幫自己分析下點解要寫blog。

一睇到條問題﹐我諗好多人都會有疑感﹐從經濟學角度講﹐真係冇利可圖 (我都讀過下econ﹐其實有時都覺得自己既價值觀都比佢影響得幾嚴重﹐好多時都係從interest入手去思考問題。)

清崎都易理解d﹐因為佢出書﹐而且大賣。咁其它人例如blogger呢?

 我會先將教人的分為有錢人同未有錢人。

有錢人已經財務自由﹐佢地教識其它人點正確投資﹐某程度可以令市場穩定﹐令自己的風險降低。當每個人都以價值作為投資依據時﹐市場便不會有不理性的大幅波動。有錢人已經夠錢﹐正享受著穩定現金流﹐這會是他們想看到的情形。

另外一點﹐有錢人其實都和普通人一樣﹐喜歡分享成功﹐分享經驗會令他們有滿足感。他們其實並不是某些人眼中貪得無厭而勢利的人。雖然這一個point跟經濟上的分析比較起來會令一些人難以接受﹐但請接受。 若你痛恨有錢人﹐你將無法成為一個有錢人。

未有錢人方面﹐教識其它人等於多左競爭者。少左d傻散﹐少左人亂拋貨﹐多左人爭平貨﹐點搞? 股市方面可能都好D﹐個市場大﹐參與者多﹐個效果未必咁明顯。反而樓市方面﹐同一區多個醒目仔你都咪話唔閉翳。我有時會諗: 唔知D整餅大師會唔會有時後悔講左個秘密出黎呢?

我覺得未有錢人既原因都係鐘意分享﹐雖然經濟上計唔過﹐但佢地分享既utilities可能仲高! 因為佢地既分享可以結集到志同道合既人﹐令財務自由呢條路冇咁孤獨! 

其實blogger們的無私分享真係好偉大的﹐真係要O係度衷心多謝佢地!

失眠續談

有文章指出失眠半小時就應該起床﹐做一下其它事情﹐以免潛意識將睡不著及床劃上等號。

我信的。所以我晚上常常起床做其它事情。

以往我最常做的就是瘋狂瀏覽博格: YC﹑財叔﹑止凡﹑一千萬﹑瘋子﹑陸羽仁等等一大堆對財務自由有興趣的人必定有印象的名字﹐我都看過﹐但大多水過鴨背﹐沒有多加思考。

過了大量expose的階段﹐以後應該慢慢看﹐把有用的內容同化。學習不應太貪心。

可能我的失眠就是由於接收了太多資訊而混亂所引致。 我自問沒有炒股的天份﹐每日看著股市上上落落﹐利好利淡消息滿天飛﹐我想﹐我的失眠情況會更嚴重。 中上線的投資真的很適合我。

做了很長時間的CDROM﹐原來寫作真的很舒暢 :) 像這樣輕輕鬆鬆的隨意寫﹐想到那寫到那﹐是不錯的減壓方法。

原諒我文章的結構散亂﹐作文從來都不是我強項﹐但整體還是有C的(AL, 嘿嘿!)

多分段且句短的寫法像蔡瀾吧! 嘻嘻! 又不是考試﹐何必太嚴瑾? 當然﹐有需要的時候還是會拿出寫essay的態度﹐但那是後話。

很佩服一些人﹐不知道他們到底是怎樣keep track 各種新聞﹐外國﹑中國﹑本地的都瞭如指掌﹐分析時總能信手拈來﹐以其它資訊輔助。 自問是一個吸收狂﹐但往往有入無出﹐當別人談到時才說: 對對對﹐這個我有印象﹐但然後就沒法再撈回一些聽過的資料。可能就是香港的教育及當了太久的cdrom所致﹐ 建立寫助習慣一定有幫助的﹐我相信!

好野! 開始眼訓啦 ZZZ

失眠夜

又一個失眠的晚上。

其實失眠的毛病已經陪了我幾年了﹐最近一年的情況比較嚴重。 幸好在清晨時我還是會覺得睏﹐我的工作是下午才上班的﹐所以可以睡上數個小時﹐平均來說都有八個小時左右。 我知道有些失眠患者是在日間都睡不著的! 他們會覺得很疲累﹐但還是無法入睡! 要分辨出他們十分容易﹐只有認著他們的大眼袋就可以了! 由於我每日還是能睡上幾小時﹐所以我是沒有熊貓眼的。

你們可能會說﹐我是因為早上睡了晚上才睡不著﹐但這並非全部的原因﹐沒錯有時候我通宵不睡﹐辛苦地撐到第二天晚上就能早早入睡﹐但有時候結果是到第三天的清晨才能進睡! 

這幾年差劣的睡眠質素令我身體變差了﹐雖然臉上沒有眼袋﹐但皮膚轉差﹐手腳冰冷﹐氣力不足等還是感覺到的。

就失眠的原因我上網搜尋過很多遍﹐得出了的結論是壓力大及一些生活習慣的影響。

晚上我常常會胡思亂想﹐腦袋沒法停下來﹐不停地想著將來的事和計劃等。

有研究指出﹐睡前使用手機會令褪黑色素的分泌減少及令睡眠質素變差﹐看來真的要改善這個壞習慣。

啊! 突然想起家中有薰衣草茶﹐沖番杯飲下先! 薰衣草有安眠功效。

還有一點想指出的這是我其實晚上十時多的時間會有一段時間是極眼訓的﹐但若沒有把握就會變得清醒﹐很難再睡。 而到了十二時﹐我的心就會狂跳一輪﹐然後變得極清醒! 每次都是這樣的規律。

-----------我要改變習慣﹐晚上少吃﹐盡早洗澡﹐禁用電話和看電視﹐安排好時間在眼訓時立即睡覺!------------

第二次開blog 啦!

用開既yahoo blog幾個月前通知將會停止提供服務﹐真係令人失望﹐所以都無乜心機再寫﹐而自己又懶得搞轉blog 既野﹐所以拖到依家先開新blog。

啱啱就睇下有咩blog好用﹐發覺原來止凡係用blogger﹐所以就決定自己都開一個。 諗住註冊既時候﹐先發覺原來2010年已經開左﹐仲貼左兩段youtube野跟住就冇理到 ==

啱先發現blogger都係google野﹐正! 一直都幾滿意google既服務。

-------所以今日係第二次開blog既大日子!!--------

之前既yahoo blog我主要係寫財務自由既野﹐今次都唔例外﹐都係主力寫呢D﹐希望有個地方同志同道合既朋友交流!!