可惡想揉

發覺自己成日睇d價值投資既資訊、部落格等，講既內容其實重覆又重覆，其實自己仲去睇可能只係想尋求心靈上既安慰，令自己有同路人的感覺，但發覺自己都睇得幾密，一有時間就睇，好似有強迫症咁，係咁想睇下仲有冇咩新野，想再fine tune自己既投資方向。

其實投資策略各師各法，捉到老鼠就係好貓，世上係冇一套絕對正確的方法，否則就唔會有人討論，巴菲特同佢師傅都係價投，但都已經有好大分別；索羅斯就投機成份高好多，但咪一様賺到好多錢！

我想在此記下自己的原則，讓自己可以重溫並恪守。

個人黎講比較buy葛拉咸，用大數法則比揀好公司易得多了，我沒有股神的資訊和人脈可以凖確分析公司價值甚至影響一間公司的運作，想跟巴生其實好難，記得睇過佢申報買賣竟然用平郵！到散戶知道佢既動作已經係半個月後既事，點跟得貼？

止蝕對我黎講又係戇居既，完全違反低買高賣呢條黃金守則，但係社會上反而日日題住，d財演仲幫你定埋d止賺止蝕位，好似贏到小甜頭或者輸少d係佢地既功勞咁，又到講故仔時間，話說有個財演申頭入房問腦細：今日講邊隻呀？腦細：講福興能源啦！財演，咁升定跌呀？腦細：errr...講跌啦！佢利申冇唔代表佢腦細冇，明未？係有料到就講自己買左咩啦，講埋d自己唔買既叫人買！止賺止蝕姐係送錢比證券行駛：水清則冇魚。

我既原則係一不止蝕、二不高追、三不同股票談感情！ 至於具體葛式操作就唔講住，等到成功先再算。